【on.c...

【on.cc 東網專訊】藝人張振朗到電視城錄影《Sunday好戲王》，他稱會扮吳鎮宇，演𡃁坤來爭奪「好戲王」寶座，他說：「我阿媽、阿叔同姪，好多屋企人都有嚟睇我。（緋聞女友陳芷尤都有嚟？）我冇女友，係好朋友啫，佢話想睇，問我有冇飛。（佢係咪因為睇到龔嘉欣向你放電嘅報道，所以即刻嚟監場？）唔係監唔監視嘅，而且話我氹嘉欣笑嗰張相，係我真係太凍，要跪一跪囉！我同嘉欣真係friend到不能再friend。（佢容易被誤會發姣、姣黐男士？）我哋幾個都當佢係男人看待，佢係friendly，唔係咩發電機。」

---